Выдача пасведчання на вяртанне
У адпаведнасці з Палажэннем аб дакументах для выезду з Рэспублікі Беларусь і (або) уезду ў Рэспубліку Беларусь, зацверджаным Указам Прэзідэнта Рэспублікі Беларусь ад 3 чэрвеня 2008 г. № 294 «Аб дакументаванні насельніцтва Рэспублікі Беларусь», пасведчанне на вяртанне выдаецца дыпламатычнымі прадстаўніцтвамі ці консульскімі ўстановамі:
– грамадзянам Рэспублікі Беларусь – у выпадку страты (крадзяжу) пашпарта грамадзяніна Рэспублікі Беларусь, службовага ці дыпламатычнага пашпарта або заканчэння тэрміну дзеяння пашпарта падчас знаходжання за межамі Рэспублікі Беларусь;
– непаўналетнім грамадзянам – у выпадку іх нараджэння за межамі Рэспублікі Беларусь;
– асобам без грамадзянства, якія пастаянна пражываюць у Рэспубліцы Беларусь, бежанцам і замежным грамадзянам, якім прадастаўлена прыстанішча ў Рэспубліцы Беларусь, – у выпадку страты (крадзяжу) праязнога дакумента падчас іх знаходжання за межамі Рэспублікі Беларусь;
– грамадзянам і асобам без грамадзянства, якія пастаянна пражываюць у Рэспубліцы Беларусь і маюць несапраўдныя дакументы для выезду з Рэспублікі Беларусь і (або) уезду ў Рэспубліку Беларусь, – у выпадку іх дэпартацыі, выправаджэння ў Рэспубліку Беларусь, выдачы Рэспубліцы Беларусь.
Пасведчанне на вяртанне выдаецца для аднаразовага ўезду ў Рэспубліку Беларусь і не можа быць выкарыстана для выезду з Рэспублікі Беларусь.
Пры прыёме заявы аб выдачы пасведчання на вяртанне службовая асоба дыпламатычнага прадстаўнiцтва ці консульскай установы Рэспублiкi Беларусь ўстанаўлівае асобу і грамадзянства заяўніка, наяўнасць дакументаў, якія пацвярджаюць яго асобу і грамадзянства, апытвае яго пра абставіны страты (крадзяжу) пашпарта грамадзяніна Рэспублікі Беларусь, дыпламатычнага ці службовага пашпарта, праязнога дакумента.
У выпадку немагчымасці ўстанавіць асобу і грамадзянства заяўніка службовая асоба дыпламатычнага прадстаўнiцтва ці консульскай установы Рэспублiкi Беларусь накіроўвае запыт у органы ўнутраных спраў па месцы жыхарства заяўніка ў Рэспубліцы Беларусь аб пацверджанні асобы і грамадзянства заяўніка.
Па прыбыцці ў Рэспубліку Беларусь ўладальнік пасведчання на вяртанне павінен ў месячны тэрмін здаць яго ў падраздзяленне па грамадзянстве і міграцыі органа ўнутраных спраў па месцы жыхарства або ў Міністэрства замежных спраў (у выпадку выдачы пасведчання на вяртанне наўзамен страчанага (выкрадзенага) дыпламатычнага ці службовага пашпарта, а таксама пашпарта грамадзяніна Рэспублікі Беларусь грамадзяніну, які стала пражывае за межамі Рэспублікі Беларусь і знаходзіцца на консульскім уліку).
Дакументы, выдадзеныя кампетэнтнымі органамі замежных дзяржаў, прымаюцца пры ўмове іх легалізацыі (або прастаўлення апастылю) і натарыяльна заверанага перакладу на адну з дзяржаўных моў Рэспублікі Беларусь.
Консульскі збор за выдачу пасведчання на вяртанне складае 20 еўра.
Бясплатна выдаецца пасведчанне на вяртанне грамадзяніну Рэспублікі Беларусь, які:
– не дасягнуў 14-гадовага ўзросту,
– высылаецца, дэпартуецца ў Рэспубліку Беларусь або выдаецца Рэспубліцы Беларусь па хадайніцтвах праваахоўных органаў замежных дзяржаў, або з'яўляецца ахвярай гандлю людзьмі ці не маю сродкаў для аплаты консульскага збору.
Тэрмін афармлення пасведчання на вяртанне ў Рэспубліку Беларусь складае 1 месяц з дня падачы заявы.
Тэрмін дзеяння пасведчання на вяртанне ў Рэспубліку Беларусь складае да 6 месяцаў у залежнасці ад неабходнасці атрымання грамадзянамі і асобамі без грамадзянства выязных і транзітных віз.
Заяўнік адказны за ажыццяўленне ўсіх неабходных адміністрацыйных працэдур у іміграцыйнай службе замежнай дзяржавы ў дачыненні да пасведчання на вяртанне (унясенне штампаў/адзнак/рэгістрацыя ў сістэме).
Парадак выезду з Інданезіі па пасведчанні на вяртанне
Для выезду з Інданезіі неабходна атрымаць выязны штамп службы іміграцыі, для чаго патрэбна падаць работніку службы іміграцыі ў міжнародным пункце пропуску Рэспублікі Інданезія:
1. Пасведчанне на вяртанне ў Рэспубліку Беларусь,
2. Квіток (пасадачны талон), які выкарыстан пры ўездзе ў Інданезію,
3. Фотакопію страчанага пашпарта,
4. Даведку з паліцыі аб страце пашпарта,
5. Пісьмо Пасольства ў адрас іміграцыйнай службы.
Інструкцыя іміграцыйнай службы Рэспублікі Інданезія (з перакладам)
Іміграцыйная служба Інданезіі мае права:
-прызначыць штраф пры перавышэнні дазволенага тэрміну знаходжання (overstay) не больш чым на 60 дзён,
-затрымаць парушальніка для правядзення адпаведных працэдур, калі тэрмін дазволенага знаходжання перавышаны на 60 дзён.
Дакументы для выдачы пасведчання на вяртанне ў Рэспубліку Беларусь грамадзяніну Рэспублікі Беларусь, які дасягнуў 14-гадовага ўзросту, ці асобе без грамадзянства, якая стала пражывае ў Рэспубліцы Беларусь
– заява на выдачу пасведчання;
– заява з указаннем абставінаў страты (крадзяжу) пашпарта, дыпламатычнага ці службовага пашпарта грамадзяніна Рэспублікі Беларусь або праязнога дакумента Рэспублікі Беларусь;
– дзве каляровыя фатаграфіі заяўніка памерам 40х50 мм (адным лістом), якія адпавядаюць яго ўзросту;
– дакумент, які выдадзены кампетэнтным органам замежнай дзяржавы і пацвярджае зварот заяўніка па пытанні страты (крадзяжу) пашпарта, дыпламатычнага ці службовага пашпарта грамадзяніна Рэспублікі Беларусь або праязнога дакумента Рэспублікі Беларусь (за выключэннем выпадкаў немагчымасці яго атрымання);
– дакумент, які пацвярджае ўнясенне платы.
Дакументы для афармлення пасведчання на вяртанне ў Рэспубліку Беларусь грамадзяніну Рэспублікі Беларусь, які не дасягнуў 14-гадовага ўзросту, ці асобе без грамадзянства, якая стала пражывае ў Рэспубліцы Беларусь
Законны прадстаўнік непаўналетняга прадстаўляе:
– заяву на выдачу пасведчання;
– заяву з указаннем абставінаў страты (крадзяжу) пашпарта грамадзяніна Рэспублікі Беларусь ці праязнога дакумента Рэспублікі Беларусь;
– пашпарт ці іншы дакумент, які сведчыць асобу законнага прадстаўніка непаўналетняга (пры яго наяўнасці);
– пасведчанне аб нараджэнні – для непаўналетняга, які нарадзіўся за межамі Рэспублікі Беларусь;
– дзве каляровыя фатаграфіі непаўналетняга памерам 40х50 мм (адным лістом), якія адпавядаюць яго ўзросту;
– дакумент, які выдадзены кампетэнтным органам замежнай дзяржавы і пацвярджае зварот заяўніка па пытанні страты (крадзяжу) пашпарта грамадзяніна Рэспублікі Беларусь ці праязнога дакумента Рэспублікі Беларусь.
