Рэспубліка Сінгапур

Звесткі аб краіне  

Рэспубліка Сінгапур (назва ад малайскага «леў») – горад-дзяржава ў Паўднёва-Усходняй Азіі, размешчаная на востраве Сінгапур і прылеглых 58 дробных астравах на паўднёвым ускрайку паўвострава Малакка. Мяжуе з Малайзіяй і Інданезіяй. Каля 80% насельніцтва Сінгапура свабодна валодаюць англійскай мовай.

У краіне развіты вытворчасць электронікі, суднабудаванне, фінансавы сектар, рыбалоўства, нафтаперапрацоўчая, хімічная, харчовая, тэкстыльная і лёгкая прамысловасць, вядуцца маштабныя даследаванні ў галіне біятэхналогій. Сінгапурская валютная біржа – чацвёртая ў свеце пасля Лонданскай, Нью-Йоркскай і Такійскай.

Цэны на пражыванне ў гасцініцах Сінгапура даволі высокія, у выхадныя дні кошт, як правіла, зніжаецца.

Харчавацца ў Сінгапуры смачна і нядорага можна ў фудкортах, якія можна знайсці ў буйных гандлёвых цэнтрах.

У Сінгапуры высокі ўзровень медыцынскага абслугоўвання.

Штрафы за невыкананне заканадаўства значныя.

Міжнародны аэрапорт Сінгапура

Міжнародны Аэрапорт Сінгапура Чангі – адзін з лепшых аэрапортаў, які атрымаў розных узнагарод больш, чым любы іншы аэрапорт свету.

Аэрапорт складаецца з чатырох тэрміналаў з прапускной здольнасцю 66 млн. пасажыраў у год і абслугоўвае рэйсы больш за 100 авіякампаній, у тым ліку пяці сінгапурскіх – Singapore Airlines, SilkAir, Scoot, Tigerair і Jetstar Asia.

Сайт аэрапорта: http://www.changiairport.com/

Анлайн-табло прылёту: http://www.changiairport.com/en/flight/arrivals.html

Анлайн-табло вылету: http://www.changiairport.com/en/flight/departures.html

Схема аэрапорта: http://www.changiairport.com/en/maps.html

Дапаможнік па аэрапорту: http://www.changiairport.com/en/passenger-guide/download-airport-guides.html

У аэрапорце Чангі размешчаны тэматычныя паркі – Парк кактусаў у Тэрмінале 1, Чароўны сад, Парк архідэй і Парк сланечнікаў ў Тэрмінале 2, Галерэя матылькоў ў Тэрмінале 3. У галоўным Тэрмінале 3 ёсць вертыкальны сад – зялёная сцяна даўжынёй 300 метраў і вышынёй 15 метраў. У даху гэтага тэрмінала маецца 919 зашклёных адтулін, якія прапускаюць унутр будынка сонечнае святло так, каб у спякоту тэрмінал не награваўся. У зале вылету Тэрмінала 1 ёсць унікальная інсталяцыя «Кінэтычны дождж» (Kinetic Rain): 1216 бронзавых кропель перамяшчаюцца і плаўна трансфармуюцца ў 16 розных фігур і ўзораў. На тэрыторыі сінгапурскага аэрапорта можна ўбачыць мноства твораў мастацтва. Старанна падабраныя інсталяцыі дазваляюць адцягнуцца ад стомы, звязанай з доўгім пералётам. Калі стыкоўка ў аэрапорце складае больш за 5 гадзін – прадастаўляецца бясплатны тур па горадзе. Для браніравання тура дастаткова звярнуцца на любую стойку інфармацыі.

Правілы ўезду

Бязвізавы рэжым для ўладальнікаў дыпламатычных і службовых пашпартоў

Бязвізавы рэжым да 90 дзён дзейнічае з 3 верасня 2015 г. для ўезду, транзіту ці знаходжання ў Сінгапуры па дыпламатычных і службовых пашпартах.

На працягу аднаго каляндарнага года дазволена знаходзіцца ў Сінгапуры не больш за 90 дзён.

Бязвізавы рэжым пры кароткатэрміновым ўездзе да 96 гадзін ў мэтах транзіту

Грамадзяне Рэспублікі Беларусь маюць права кароткатэрміновага ўезду (да 96 гадзін) на тэрыторыю Сінгапура без візы ў выпадку транзіту ў трэцюю краіну (Visa Free Transit Facility – VFTF).

Для гэтага неабходна выканаць наступныя ўмовы:

-накіроўвацца праз Сінгапур ў трэцюю краіну,

-мець пры сабе сапраўдны пашпарт з тэрмінам дзеяння больш за шэсць месяцаў, авіябілет з Сінгапура ў трэцюю краіну, неабходныя для ўезду ў трэцюю краіну дакументы (уключаючы візу), дастатковую колькасць сродкаў для знаходжання ў Сінгапуры,

-выехаць у трэцюю краіну на працягу 96 гадзін, выканаўшы ўсе неабходныя патрабаванні для ўезду ў Сінгапур.

Пры вымушанам прыпынку ў аэрапортах Сінгапура звыш 96 гадзін па незалежных ад грамадзян Беларусі прычынах неабходна да заканчэння перыяду бязвізавага знаходжання ў мэтах транзіту падаць заяўку на падаўжэнне тэрміну знаходжання ў Упраўленне іміграцыі і кантрольна-прапускных пунктаў (Singapore Immigration & Checkpoints Authority), размешчанага па адрасу: ICA Building, 10 Kallang Road, Singapore 208718. Тэлефон колл-цэнтра – 6391 6100, працуе з панядзелка па пятніцу з 8.00 да 17.00, па суботах – з 8.00 да 13.00, сайт www.ica.gov.sg.

Парадак атрымання віз

Грамадзяне Рэспублікі Беларусь – уладальнікі агульнаграмадзянскіх пашпартоў – пры ўездзе ў Сінгапур павінны мець візу.

Для атрымання сінгапурскіх ўязных віз грамадзяне Рэспублікі Беларусь могуць звяртацца ў Пасольства Сінгапура ў Маскве, офісы ўпаўнаважаных візавых цэнтраў Сінгапура, а таксама маюць магчымасць дыстанцыйна атрымаць права на ўезд у краіну з выкарыстаннем сеткі Інтэрнэт.

Падрабязная інфармацыя аб працэдуры атрымання сінгапурскіх ўязных віз размешчана тут.

Канчатковае рашэнне аб ўездзе ў Сінгапур прымае супрацоўнік іміграцыйнай службы на пунктах ўезду.

Бяспека вандроўніка – агульныя рэкамендацыі 

У мэтах забеспячэння ўласнай бяспекі неабходна выконваць у Сінгапуры элементарныя правілы засцярогі.

Беларускім грамадзянам рэкамендуецца мець пры сабе дакументы, якія сведчаць асобу, прад'яўляць іх пры першым патрабаванні прадстаўнікам праваахоўных органаў. Каб пазбегнуць кішэнных крадзяжоў асаблівую ўважлівасць праяўляць ў грамадскіх месцах.

У выпадку надзвычайнай сітуацыі, пры пагрозе жыццю і здароўю грамадзяніну Беларусі рэкамендуецца неадкладна звярнуцца ў Пасольства па тэлефону экстранай сувязі.

Сацыяльна-палітычнае становішча ў Сінгапуры стабільнае, узровень бяспекі ў краіне – высокі.

Санітарнае становішча ў Сінгапуры здавальняючае. Разам з тым рэкамендуецца захаванне агульнапрынятых у Азіі мер засцярогі: не ўжываць ваду з-пад крана для піцця і санацыі поласці рота, мыць садавіну і гародніну, сачыць за чысцінёй рук.

Грамадзянам Беларусі настойліва рэкамендуецца набыццё медыцынскай страхоўкі загадзя ў Рэспубліцы Беларусь. Варта ўлічваць суму страхавога пакрыцця, забяспечваную дагаворам страхавання.

У выпадку затрымання паліцыяй рэкамендуецца неадкладна праінфармаваць сваякоў, а таксама Пасольства Беларусі ў Інданезіі. Рэкамендуецца, пры наяўнасці такой магчымасці, не падпісваць ніякіх дакументаў да прадастаўлення паслуг перакладчыка і адваката.

У выпадку ўзнікнення надзвычайных сітуацый варта карыстацца наступнымі нумарамі тэлефонаў экстраных службаў: 999 – паліцыя, 995 –хуткая дапамога, пажарная служба.