:

Інфармацыя аб бязвізавым наведванні Беларусі праз пункт пропуску Нацыянальны аэрапорт Мінск

Грамадзяне 74 дзяржаў (у тым ліку Інданезіі, Малайзіі і Сінгапура) маюць магчымасць бязвізавага наведвання Беларусі на перыяд да 30 сутак праз пункт пропуску Нацыянальны аэрапорт Мінск паводле абноўленага Указу Прэзідэнта Рэспублікі Беларусь ад 9 студзеня 2017 г. № 8 «Аб устанаўленні бязвізавага парадку ўезду і выезду замежных грамадзян».

Усталяваны парадак бязвізавага ўезду праз Нацыянальны аэрапорт Мінск не распаўсюджваецца на асоб, якія ўязджаюць ці выязджаюць з альбо ў Расійскую Федэрацыю з прычыны адсутнасці ў Беларусі іміграцыйнага кантролю на дадзеных рэйсах (прыраўноўваюцца да унутраных).

Дзеянне Указа не распаўсюджваецца на замежных грамадзян c дыпламатычнымі, службовымі і спецыяльнымі пашпартамі, а таксама на грамадзян дзяржаў, з якімі заключаны двухбаковыя пагадненні аб адмене віз.

Для ўезду ў Рэспубліку Беларусь праз пункт пропуску Нацыянальны аэрапорт Мінск замежным грамадзянам неабходна пры сабе мець:

 – сапраўдны пашпарт ці іншы прызначаны для выезду за мяжу дакумент,
 – грошы на перыяд знаходжання з разліку дзве базавыя велічыні на кожны дзень знаходжання (з 1 студзеня 2018 г. адна базавая велічыня складае 24,5 беларускіх рубля),
– дзеючы ў Беларусі медыцынскі страхавы поліс на суму не менш 10 000 еўра.
Інфармацыя пра медыцынскае страхаванне замежных грамадзян размешчана на сайце Пасольства.
Страхавы поліс можна набыць у Нацыянальным аэрапорце Мінск па прыбыцці.

Пры знаходжанні ў Беларусі больш за 5 дзён неабходна зарэгістраваць знаходжанне праз адзіны партал электронных паслуг ці ў найбліжэйшым аддзеле па грамадзянству і міграцыі. Рэгістрацыя знаходжання замежных грамадзян, якія прыбылі ў Беларусь з Расіі, магчыма толькі ў найбліжэйшым аддзеле па грамадзянствуі міграцыі.
Замежным грамадзянам, якія пражываюць у гасцініцах, рэгістрацыя знаходжання не трэба.

Для грамадзян В'етнама, Гаіці, Гамбіі, Індыі, Лівана, Намібіі, Самоа абавязковым дадатковым патрабаваннем з'яўляецца наяўнасць сапраўднай шматразовай візы дзяржаў Еўрасаюза або Шэнгенскай зоны з адзнакай аб ўездзе на іх тэрыторыю, а таксама авіябілетаў з пацвярджэннем даты вылету з Нацыянальнага аэрапорта «Мінск» на працягу 30 дзён з даты ўезду ў Беларусь.

Таксама можна наведаць заходнія рэгіёны Беларусі без віз на працягу 10 дзён праз аўтамабільныя, чыгуначныя пункты пропуску і аэрапорты Гродна і Брэст.
 

Дыпмісіі Беларусі за мяжой

Усе дыпмісіі Сайт МЗС
Перайсці