Аб удзеле Пасла Беларусі Рамана Раманоўскага ў Форуме, арганізаваным Саветам рэгіянальных прадстаўнікоў Рэспублікі Інданезія
14.11.2025 г.13 лістапада 2025 г. Пасол Беларусі ў Інданезіі Раман Раманоўскі па запрашэнні Камітэта міжпарламенцкага супрацоўніцтва Савета рэгіянальных прадстаўнікоў Рэспублікі Інданезія ўзяў удзел у «Форуме сінергіі і партнёрства з прадстаўнікамі дружалюбных краін і зацікаўленымі бакамі», які прайшоў на в.Ламбок, пр.Заходняя Нуса Тэнгара.
У сваім выступленні Пасол інфармаваў аб дасягненнях Беларусі ў развіцці «зялёнай» эканомікі, выкананні Мэтаў устойлівага развіцця, а таксама па зніжэнні выкідаў парніковых газаў.
На палях мерапрыемства адбылася сустрэча кіраўніка беларускай дыпмісіі з губернатарам правінцыі Заходняя Нуса Тэнгара Лалу Мухамадам Ікбалам, падчас якой абмеркаваны перспектывы ўзаемадзеяння па лініі рэгіёнаў Беларусі і Інданезіі.
