У Інданезіі і Сінгапуры ўведзены дадатковыя правілы ўезду

Для звесткі грамадзян, якія плануюць наведаць Інданезію і Сінгапур, паведамляем, што гэтыя краіны ўвялі дадатковыя правілы ўезду, накіраваныя на прадухіленне распаўсюджвання воспы малпаў (англ. “Mpox”).

З 28 жніўня ўсе, хто прыбывае ў Інданезію, абавязаны запоўніць спецыяльную электронную форму — SATUSEHAT Health Pass (SSHP) for Entry to Republic of Indonesia . Пасля запаўнення формы грамадзянін атрымлівае QR-код, які спатрэбіцца пры праходжанні памежнага кантролю.
У дачыненні да грамадзянаў, якія прыбываюць у Сінгапур паветраным транспартам, кантрольнымі службамі аэрапортаў праводзіцца вымярэнне тэмпературы і візуальны агляд. Пра наяўнасць звязаных з захворваннем “Mpox” сімптомаў (ліхаманка, слабасць, боль у горле, сып і г.д.), а таксама пры папярэднім наведванні краін, у якіх захворванне атрымала найбольшае распаўсюджванне (галоўным чынам, краіны Афрыкі), грамадзянін павінен паведаміць пры запаўненні карты прыбыцця ў Сінгапур — Singapore Arrival Card (SGAC) and Electronic Pass (e-Pass) . У бліжэйшы час аналагічныя меры плануюць увесці таксама ў дачыненні да тых, хто прыбывае ў Сінгапур марскім транспартам.

Версія для друку